зваротная сувязь
Калі вы заўважылі недакладнасць, ці маеце пытанне - лістуйце:
Будынак былой сінагогі
Шыфр
413Г000502
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
др. пал. ХІХ ст., 1920 г.
Стыль
Позні класіцызм
Апісанне
Слонімская сінагога была пабудавана ў другой палове ХІХ ст. з цэглы і размешчана ў паўночнай частцы гістарычнага цэнтра горада.
Уяўляла сабой адна-двухпавярховы прамавугольны ў плане будынак. Да тыльнага фасада была зроблена пазнейшая прыбудова. Галоўны і частка бакавых фасадаў патынкаваныя. Архітэктурны акцэнт зроблены на галоўным вулічным фасадзе, які завяршаецца трохвугольным франтонам. У цэнтры франтона круглая люкарна. Галоўны ўваход у выглядзе вялікай цыркульнай аркі размешчаны ў лоджыі, аформлены парталам з замковым каменем. Абапал уваходнага праёма ў два ярусы размешчаны паўцыркульныя аконныя праёмы ў ліштвах. Атынкаваная частка бакавых фасадаў мае архітэктурнае рашэнне падобнае з галоўным фасадам: першы паверх члянёны прамавугольнымі, другі -- арачнымі вокнамі ў ліштвах. Не тынкаваная палова фасадаў прарэзана высокімі арачнымі вокнамі былой малітоўнай залы ў прафіляваных ліштвах з падаконнымі нішамі.
Пачатковая калідорная планіроўка не захавалася, зменена пры рэканструкцыі пад спартыўную залу медыцынскага каледжа.
Сартаваць па