Адпраўлена!

Памылка!

Будынак былой жаночай гімназіі

Цiкавае

Змест

Звесткі аб каштоўнасці

Шыфр

313Г000008

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

Гомельская вобласць, г. Гомель, вул. Білецкага, 6

Датаванне

1820 г.

Апісанне

Будынак складаецца з некалькіх двух- і трохпавярховых аб'ёмаў, якія злучаюцца адзін з другім, утвараючы складаную ў плане фігуру з унутраным дворыкам. Паводле пісьмовых крыніц, будынак быў пабудаваны ў першай чвэрці ХІХ ст. (да 1834 г.) гр. Румянцавым. Першы паверх быў мураваны, другі драўляны.

У 1837 г. будынак перайшоў у валоданне да ваеннага інжынернага ведамства. Затым у 1845 г. яго набыла эканомія кн. Паскевіча. У 1856 г. дом згарэў, аднак у хуткім часе быў адбудаваны з надбудовай другога мураванага паверха. Спачатку ў ім размяшчалася кантора кн. Паскевіча, затым паліцэйскае ўпраўленне.

У 1867 г. сюды пераехала гомельская мужчынская пяцікласная гімназія, заснаваная ў 1865 г. Будынак знаходзіўся ў цэнтры горада, на вул. Мільённай (суч. вул. Білецкага). У 1898 г. мужчынскай гімназія пераехала ў новы спецыяльна пабудаваны будынак. У будынку на вул. Мільённай размясцілася жаночая гімназія, якая праіснавала да 1918 г.

Пасля рэвалюцыі будынак таксама выкарыстоўваўся пад вучэбную установу. Да Вялікай Айчыннай вайны ў ім размяшчаўся Гомельскі лесатэхнічны тэхнікум, у цяперашні час - Гомельскі політэхнічны тэхнікум.