зваротная сувязь
Калі вы заўважылі недакладнасць, ці маеце пытанне - лістуйце:
Будынак былой жаночай Марыінскай гімназіі
Шыфр
713Г000128
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1878-1879 гг
Стыль
неакласіцызм
Апісанне
Будаўніцта і функцыянаванне будынка № 29 на раннім этапе свайго існавання было звязана з жаночай гімназіяй. Мінская жаночая гімназія адкрыта ў 1865 г. Мела 7 класаў, а таксама 8-ы педагагічны. У падрыхтоўчы клас залічвалі вучаніц без уступных экзаменаў. Плата за навучанне была высокая, таму ў гімназіі маглі вучыцца дзеці багатых бацькоў. У гімназіі выкладалі рускую мову і літаратуру, замежныя мовы, чыстапісанне, матэматыку, фізіку і закон божы, а таксама маляванне, гімнастыку, спевы, танцы, рукадзелле. У гады Першай сусветнай вайны жаночая Марыінская гімназія была пераведзена ў Прапойск (сучасны г. Слаўгарад), а ў 1917 г. закрыта. У 1918 г. у будынку знаходзіўся Штаб Заходняга фронту. Пасля таго, як штаб пакінуў будынак, увесь верхні паверх і тры пакоі з прыхожай на ніжнім паверсе заняла польская жаночая гімназія імя Эміліі Плятэр (загадчыца гімназіі Паклеўская-Козел). Астатнія памяшканні на ніжнім паверсе займаў народны ўніверсітэт, два пакоі займаў генерал Галкін. У 1922 г. будынак быў муніцыпалізаваны. Тут размяшчаўся Белрабтэхнікум, палітэхнікум, камуністычны ўніверсітэт, які рыхтаваў кіруючых партыйных і савецкіх работнікаў. У 1932 1933 гг. будынак прыстасавалі пад карцінную галерэю. У 1934 г. над будынкам надбудавалі трэці паверх. У Вялікую Айчынную вайну будынак захаваўся. Пасля вайны ён прыстасаваны пад АТС. Да крыла ў двары былі прыбудаваны новыя аб'ёмы. Галоўны фасад у цэлым захаваў свой гістарычны выгляд, праўда, замураваны аконныя праёмы цокальнага паверха. Да тарцовага фасада будынка з левага боку прыбудаваны жылы дом, у сувязі з чым таксама замураваны аконныя праёмы. На фасадзе змешчана мемарыяльная дошка ў гонар Яўнзем Ірмы Пятроўны, першай заслужанай артысткі Беларусі, якая вучылася ў гімназіі.
Сартаваць па