Будынак (частка архітэктурнага ансамбля былой Пакроўскай царквы)

Будынак знаходзіцца ў Левабярежным гістарычным раёне горада, які адносіцца да першай, або Узгорскай часткі г. Віцебска, па вуліцы Путна, 5. Пабудаваны ў сярэдзіне XIX стагоддзя ў стылі эклектыкі з элементамі мадэрна, як жылы дом. Будынак цагляны, двухпавярховы (на высокім цокальным паверсе), Г-падобны ў плане. Цяпер выкарыстоўваецца як шматкватэрны жылы дом.

Некаторы час у будынку пражываў Яўген Піліпавіч Алонаў (1875 - 23 снежня 1929 г.) - ветэрынарны ўрач, грамадскі дзеяч, адзін з арганізатараў ветэрынарнай справы ў Беларусі, Герой Працы (1924 г.) першы рэктар Віцебскага ветэрынарнага інстытута. Будынак па сучаснай вул. Путна, 5 разам са Спаса-Праабражэнскай царквой зафіксаваныя на карцінах Марка Шагала «Над горадам», «Від з окна», «Акно. Віцебск» і інш.