Будынак чыгуначных кас

Будынак праектаваўся і будаваўся як павільён прыгарадных пасажыраў. Праект быў распрацаваны ў інстытуце "Белпрампраект" архітэктарамі Н. Шпігельманам і С. Баткоўскім. Двухпавярховы будынак прамавугольны ў плане сіметрычнай аб'ёмна-прасторавай кампазіцыі. Фасады патынкаваныя і пафарбаваныя, апрацаваныя рустам. У архітэктурным рашэнні фасадаў выкарыстана ордэрная пластыка. На галоўным фасадзе цокаль аддзелены цягай.