Будынак кінастудыі "Беларусьфільм"
Будынак кінастудыі "Беларусьфільм"
Змест
Звесткі аб каштоўнасці
Шыфр
713Г000203
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1960
Апісанне
Кінастудыя была створана ў 1928 г. кінаарганізацыяй Белдзяржкіно пад назвай "Савецкая Беларусь". Да 1939 г. знаходзілася ў Ленінградзе. У 1946 г. перайменавана ў кінастудыю "Беларусьфільм". Для яе размяшчэння ў 1947-48 гг. быў прыстасаваны будынак касцёла св. Сымона і Алены. Галоўны корпус кінастудыі ўзведзены ў 1960 г. Будынак размешчаны з водступам ад чырвонай лініі забудовы праспекта. Перад яго галоўным фасадам разбіты невялікі сквер. Будынак складанай аб'ёмна-прасторавай кампазіцыі мае развiты ў падоўжным i папярочным напрамках план. Галоўны трохпавярховы корпус выцягнуты ўздоўж праспекта. Архітэктурнае рашэнне галоўнага фасада стрыманае, вертыкальныя чляненні падкрэсліваюць манументальнасць збудавання. Фасадная сцяна патынкавана, раўнамерна раскрапавана шырокімі гарызантальна руставанымі лапаткамі. У верасні 1963 г. завершаны двухпавярховы корпус, у якім размясціўся цэх апрацоўкі плёнкі. У 1967 г. пабудавана сховішча для кінаматэрыялаў, магнітных фанаграм і фільмакопій. Побач з фільматэкай пабудаваны вялікі складскі корпус (плошча 1750 кв. м). Для захавання рэквізіту збудавана памяшканне плошчай 5000 кв.м.Ёсць майстэрні: зброева-піратэхнічная, эксперыментальна-механічная і інш. Будынак кінастудыі "Беларусьфільм" - помнік архітэктуры савецкага перыяду з элементамі класіцыстычнай спадчыны.
Доступ да аб'екта