Адпраўлена!

Памылка!

Будынак кінатэатра

Цiкавае

Змест

Звесткі аб каштоўнасці

Шыфр

413Г000667

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

Гродзенская вобласць, г. Гродна, вул. Сацыялістычная, 4

Датаванне

пач. ХХ ст.

Стыль

Мадэрн

Апісанне

У Гродна кінематограф прыйшоў у пачатку 20 ст. Спачатку гэта былі перасовачныя кінаўстаноўкі. У 1911- 1912 гг. былі адчынены два кінатэатры -- "Люкс" на вул. Саборнай (сучасная вул. Савецкая, на месцы універмага) і "Сатурн" на вул. Гараднічанскай. Гэтыя кінатэатры не мелі спецыяльных будынкаў, размяшчаліся ў памяшканнях, прыстасаваных для дэманстрацыі кінафільмаў.

Самы стары будынак у Гродне, спецыяльна спраектаваны як кінатэатр, вядомы ў пачатку стагоддзя як кінатэатр Манастырскага, быў пабудаваны ў 1914 г. адстаўным капітанам С. Манастырскім. Гэта быў першы ў Гродна стацыянарны кінатэатр "Эдэм" на вул. Паштовай.

Праект кінатэатра адпавядаў усім правілам утрымання і ўпарадкавання ўстаноў кінематографа, распрацаваных пры Тэхнічным будаўнічым камітэце Міністэрства унутраных спраў. Згодна праекту быў пабудаваны двухпавярховы мураваны будынак. Глядзельная зала з балконам была разлічана на 310 месцаў. На другі паверх вялі дзве лесвіцы з незгаральнага матэрыялу. На ніжнім паверсе былі арганізаваны тры выхады.

З 1925 г. - кінатэатр “Палац” Марыі Мілабедскай. Пазней - “Эдэм”, “Палонія”, “Чырвоная зорка”.