Адпраўлена!

Памылка!

Будынак (корпус Е)

Цiкавае

Змест

Звесткі аб каштоўнасці

Шыфр

213Г000962

211Г000612

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

Віцебская вобласць, Полацкі раён, г. Полацк, вул. Стралецкая, 4/1

Датаванне

1912 - 1913 гг.

Апісанне

Комплекс былога кляштара езуітаў у цяперашні час уключае 6 карпусоў, якія злучаны паміж сабой.

Корпус Е размешчаны насупраць корпуса Д і ўяўляе каменны, двухпавярховы, прамавугольны ў плане будынак. Па абодва бакі будынка размешчаны аднапавярховыя прыбудовы. Плоскасць фасада разбіта на тры часткі плоскімі пілястрамі, якія дэкаруюць дзвярныя праёмы. Аконныя праёмы ў гэтых частках будынка прамавугольнай формы і некалькі большыя па памеры з астатнімі. Над дзвярнымі праёмамі размешчаны металічныя казыркі на ажурных кранштэйнах, а таксама сандрыкі.

У цэлым дэкор фасада будынка паўтарае элементы корпуса Д. Дваровы фасад мае тры паверхі. Першы паверх вылучаны міжпавярховым карнізам. Аконныя праёмы першага паверха злева - прамавугольныя, а справа - квадратныя, дэкарыраваны сандрыкамі. Аконныя праёмы другога паверха таксама дэкарыраваны сандрыкамі і падваконнымі цягамі. На ўзроўні другога паверха размешчаны фрыз, а завяршае кампазіцыю карніз у выглядзе фрыза. У дваровым фасадзе размешчаны таксама два дзвярныя праёмы з карнізамі на ажурных кранштэйнах.