зваротная сувязь
Калі вы заўважылі недакладнасць, ці маеце пытанне - лістуйце:
Будынак Нацыянальнага музея гісторыі і культуры Рэспублікі Беларусь
Шыфр
713Г000116
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
пач. ХХ ст.
Стыль
Неарэнесанс
Апісанне
Будынак Нацыянальнага музея гісторыі і культуры Рэспублікі Беларусь па вул.К. Маркса, 12 узведзены ў 1903-1905 гг. для аддзялення Дзяржаўнага банка Расіі, створанага ў Мінску ў 1881. Пасля Кастрычніцкай рэвалюцыі тут размяшчаліся ЦК КП(б) і ЦК ЛКСМБ, народны камірыят фінансаў БССР, рэдакцыя часопіса “Беларуская работніца і сялянка”. З 1933 у ім знаходзіўся выканкам гарсавета, з 1944 - гаркам і абкам КП(б)Б, выканкам гарсавета, з 1967 - Дзяржаўны музей Беларускай ССР.
Трохпавярховы з цокальным паверхам прамавугольны ў плане будынак з цэнтральным рызалiтам на галоўным i дваровым фасадах. Галоўны фасад апрацаваны гарызантальным рустам і прарэзаны аконнымі праёмамі: на цокальным невялікімі квадратнымі, на 1-м і 3-м прамавугольнымі, на 2-м арачнымі з ліштвамі і замковым камнем. На 2-м і 3-м паверхах паміж аконнымі праёмамі -- пілястры іанічнага ордэра. Унутраная планіроўка зменена. Трэці паверх надбудаваны.
Сартаваць па