зваротная сувязь
Калі вы заўважылі недакладнасць, ці маеце пытанне - лістуйце:
Будынак пажарнага дэпо
Шыфр
113Г000047
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1930-я гг.
Апісанне
Будынак пажарнага дэпо пабудаваны ў 1933 г. Гэтым жа годам датуецца адзіны вядомы фотаздымак дэпо, па якім можна меркаваць аб яго першапачатковым выглядзе. Будынак аднапавярховы, складаецца з двух крылаў, накрытых вальмавымі дахамі з люкарнамі. У цэнтры ўзвышаецца вежа-каланча з аглядальнай пляцоўкай. Галоўны фасад вылучаны невялікага вынасу порцікам пад двухсхільным дахам. У цэнтры порціка зроблены шырокі арачны праём. У нішы порціка знаходзіцца дзвярны праём галоўнага ўвахода, фланкіраваны вузкімі аконнымі праёмамі. У будынку меліся службовыя памяшканні пажарнай каманды і жылыя.
Параўноўваючы сучасны стан і выгляд будынка на гістарычным фотаздымку можна адзначыць, што пажарнае дэпо добра захавалася. Маюцца нязначныя страты першапачатковага вобліку. У пасляваенны час у выніку праведзеных рамонтаў на фасадзе порціка страчаны руст, на галоўных фасадах на аконных праёмах зроблены паўліштвы з замковым каменем, што ў пэўнай ступені сказіла гістарычны воблік пажарнага дэпо. Відавочна, у пасляваенны час быў пашыраны цэнтральны дзвярны праём.
У 1982-1983 гг. да тарцовага фасада крыла па вул. Азёрнай і дваровага фасада крыла па вул. Тэльмана былі прыбудаваны дадатковыя аб'ёмы службова-бытавых памяшканняў, у 1985 г. праведзена газафікацыя будынка. Апошні рамонт будынка праводзіўся ў 2008-2010 гг. У 2008 г. былі заменены аконныя блокі на шклопакеты з захаваннем гістарычнага рысунка пераплёта, устаноўлены новыя гаражныя вароты, выкананы работы па ўмацаванні і гідраізаляцыі фундаментаў. У 2009 г. праводзіліся работы па рамонце і цеплаізаляцыі фасадаў, быў адрамантаваны дах вежы і зроблена гідраізаляцыі на аглядальным балконе. У 2010 г. былі пафарбаваны фасады будынка. Таксама праведзены шэраг работ па добраўпарадкаванні тэрыторыі.
Сартаваць па