Адпраўлена!

Памылка!

Будынак сярэдняй школы № 4 імя С.М. Кірава

Цiкавае

Змест

Звесткі аб каштоўнасці

Шыфр

713Г000270

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

г. Мінск, Ленінскі раён, вул. Чырвонаармейская, 11

Датаванне

1935 г. - 1937 г.

Стыль

канструктывізм

Апісанне

Праектныя работы над будынкам школы № 4 распачаліся ў канцы 1935 - пачатку 1936 гг. У праектаванні прымалі ўдзел галоўны архітэктар Мінска Г. Якушка ў сааўтарстве з А. Воінавым. Чатырохпавярховы Г-падобны ў плане будынак. Асноўны акцэнт зроблены на вуглавую частку, якая на фасадзе па вул. Чырвонаармейскай выступае паўкруглым эркерам з каланадай на ўзроўнi 2-3-га паверхаў і галоўным уваходам, на фасадзе па вул. Кірава -- прамавугольным ў сячэнні рызалітам таксама з каланадай на 2-3-м паверхах. Фасадная плоскасць першага паверха апрацавана рустам. Прамавугольныя аконныя праёмы на першым і чацвёртым паверхах без ліштваў, падкрэслены карнізнымі паяскамі. У Вялікую Айчынную вайну будынак школы быў пашкоджаны. Мяркуючы па фатаздымку 1944 г., захавалася фактычна каробка без даху, перакрыццяў, акон. Да 1948 г. будынак быў адноўлены ў ранейшым выглядзе. У 1979 г. да крыла па вул. Кірава прыбудавалі новы шасціпавярховы аб'ём, у якім размясціліся фізкультурная і актавая залы, басейн.