Будынак тэатра лялек і кінатэатра "Піянер"

Будынак тэатра лялек і кінатэатра "Піянер"праектаваўся як двухзальны дзіцячы кінатэатр на 800 месц. Рашэннем Мінгарвыканкама ад 19.11.1959 г. № 723 пад будаўніцтва кінатэатра Міністэрству культуры быў адведзены ўчастак плошчай 0,36 га па вул. Энгельса ў квартале паміж вул. К. Маркса, Кірава і Леніна. Рэльеф участка быў роўны з ухілам з паўночнага-захаду на паўднёвы-ўсход. На падставе гэтага рашэння 4 мая 1960 г. было выдадзена архітэктурна-планіровачнае заданне на праектаванне. Затым новым рашэннем Мінгарвыканкама ад 22.09.1960 г. № 487 да ўчастка была зроблена прырэзка дадатковай тэрыторыі, такім чынам, яго плошча складала 0,5 га.