Адпраўлена!

Памылка!

Будынак (тып гарадскога асабняка)

Цiкавае

Змест

Звесткі аб каштоўнасці

Шыфр

213Г000066

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

Віцебская вобласць, г. Віцебск, вул. Пушкіна, 2

Датаванне

1912-1913 гг.

Стыль

Позні класіцызм

Апісанне

Будынак №2 па вул. Пушкіна пабудаваны ў 1912-1913 гг. для талмуд-торы (яўрэйская рэлігійная навучальная ўстанова для хлопчыкаў з малазабяспечаных сем'яў). Пад час Першай сусветнай вайны ў будынку быў шпіталь. У розныя часы тут размяшчаліся Віцебскі савет рабочых і сялянскіх дэпутатаў (май 1917 г.), талмуд-тора (дзейнічала да пачатку 1920-х гг.), яўрэйскі педагагічны тэхнікум (1921 -1937 гг.) ператвораны ў 1937 годзе ў педвучылішча, яўрэйскія школы, Дом прасветы, Яўрэйскі рабочы ўніверсітэт. У гады Вялікай Айчыннай вайны будынак быў пашкоджаны, але не разбураны. У 1950 г. адрамантаваны і прыстасаваны пад гаркам КПБ і гаркам ЛКСМБ. 3 1990 г. і па сённяшні час - Беларускі тэатр “Лялька”.

Будынак з’яўляецца адзіным захаваным у Віцебску прыкладам талмуд-торы. Звязаны з імёнамі многіх дзеячоў адукацыі, культуры, медыцыны, палітыкі: Л.І. Фельдман, Л.С. Калецкі, А.Я. Розенцвайг, Г.Л. Рэлес, І.І. Васілевіч, С. Юдовін, І.Т. Гаўрыс, Я.С. Мінін, І.А. Стулаў, П.Г. Якаўлевіч і інш.