Будынак (у межах гістарычнага аб’ёму)
Будынак (у межах гістарычнага аб’ёму)
Змест
Звесткі аб каштоўнасці
Шыфр
712Г000386
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1899 - 1900 гг.
Апісанне
Будынак пад сучасным № 27А быў пабудаваны на старажытнай вул. Юр’еўскай, якая праходзіла паміж гарадскім валам (пазней на яго месцы сфарміравалася вул Захар’еўская, цяпер пр-т Незалежнасці) і старажытнай вул. Валоскай (цяпер вул. 1нтэрнацыянальная). Назва вуліцы паходзіла ад прылеглай да яе ўзвышанасці Юрава гара і размешчанай на ёй царквы св. Юрыя. Жылы дом адзіны гістарычны будынак, які захаваўся на старажытнай вуліцы Юр’еўскай (цяпер не існуе), і фіксуе яе былую трасіроўку. Будынак пабудаваны па праекце архітэктара Я.Гінзбурга.
Будынак мае мемарыяльнае значэнне. Тут у 1941 г. знаходзілася явачная кватэра мінскіх падпольшчыкаў. Лідарамі падпольнай групы былі рабочы вагонарамонтнага завода Кірыл Трус (Трусаў) і медработнік 3-яй гарадской бальніцы Вольга Шчарбацэвіч.
У выніку рэканструкцыі, ажыццёўленай у канцы 1950-х гадоў, будынак № 27А атрымаў цяперашні выгляд. Яго паўднёва-заходняя частка (1-ы пад’езд) раней з’яўлялася змешаным домам (першы паверх мураваны, другі драўляны), узведзеным у 1897 г. Не выключана, што фасадныя сцены першага мураванага паверха захаваліся гістарычныя, страчаны дэкор, аднак захаваліся лапаткі, якія фланкіравалі дзвярны праём. Два верхнія паверхі надбудаваныя. Паўночна-ўсходняя частка жылога дома (2-гі пад’езд) прадстаўляе трохпавярховы будынак, пабудаваны ў 1900 г. па праекце, распрацаваным Я.Гінзбургам ў 1899 г. Падчас рэканструкцыі ў цэлым захавана аб’ёмна-прасторавая кампазіцыя і архітэктурны дэкор фасадаў. У існуючых габарытах жылы дом быў часткова перапланаваны.
Доступ да аб'екта