Адпраўлена!

Памылка!

Будынкі былой сядзібы: сядзібны дом, свіран

Цiкавае

Змест

Звесткі аб каштоўнасці

Шыфр

613Г000214

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнік сядзібнай архітэктуры

Месца знаходжання

Мінская вобласць, Клецкі раён, аг. Янавічы, Чырвоназоркаўскі сельскі выканаўчы камітэт

Датаванне

1772 г.

Стыль

Барока, класіцызм

Апісанне

Першапачаткова Янавічы належалі Бжазоўскім, потым уладальнікамі былі Вайцэхоўскія, затым Піляўскія. У 1910 г. маёнтак купілі Яленскія.

Будынкі былой сядзібы (сядзібны дом, свіран) Яленскіх у аг. Янавічы, меркавана, былі пабудаваны у першай палове ХІХ ст.

Сядзіба была закладзена на тэрасе ракі Лань і ўключала аднапавярховы мураваны дом, каплiцу (не захавалася), эканамiчны парк з авальнай сажалкай (не захаваўся), драўляны свiран (не захаваўся). Па падоўжна-планiровачнай восi размяшчалiся пад'яздная алея, сядзiбны дом з партэрам i сажалка. Комплекс гаспадарчых пабудоў быў размешчаны ў паўднёва-заходняй частцы сядзiбы, адасоблены алеяй.

Дом вылучаўся цікавай унутранай планіроўкай (архітэктар невядомы). У яго цэнтральнай частцы была размешчана парадная зала - ратонда, да яе прымыкалі вестыбюль, гасціныя, чатыры тарцовыя залы, ад якіх больш вузкія бакавыя калідоры вядуць да выхадаў у тарцах будынка. Інтэр'еры памяшканняў упрыгожвалі кафляныя печкі. Зараз унутраная планіроўка зменена. Парк быў невялікі, плошчай 1,5 га.

У апошнія гады сядзіба інтэнсіўна разбураецца пад уздзеяннем прыватнай забудовы. Свіран струхлеў, разабраны кароўнік і іншыя гаспадарчыя пабудовы. Дом патрабуе рамонту.