Адпраўлена!

Памылка!

Былая сядзіба

Цiкавае

Змест

Звесткі аб каштоўнасці

Шыфр

213Г000558

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнік сядзібнай архітэктуры

Месца знаходжання

Віцебская вобласць, Міёрскі раён, в. Камянполле

Датаванне

1873 г.

Стыль

Неакласіцызм

Апісанне

Сядзібны комплекс у в. Каменполле быў пабудаваны ў 1873 г. у стылі класіцызму. У склад комплексу ўваходзяць сядзібны дом, гаспадарчыя пабудовы, парк.

Мураваны сядзібны дом - аднапавярховы, прамавугольны ў плане аб'ём з павышанай цэнтральнай часткай. Галоўны ўваход вылучаны ганкам з навіссю на шасці слупах. Планіроўка калідорнага тыпу. Захаваліся дзве кафельныя печы ХІХ ст. у стылі класіцызму і ўпрыгожаныя медальёнамі на антычны сюжэт. Дом знаходзіцца ў паўднёвай частцы парку.

Абапал пад'язной дарогі стаяць гаспадарчыя пабудовы пачатку ХХ ст. Сярод іх вылучаецца пабудаваны з чырвонай цэглы ў неагатычным стылі будынак стайні. Кампазіцыя яго галоўнага фасада сіметрычная, трохчастковая. Праезд па цэнтральнай восі будынка і бакавыя часткі галоўнага фасада аформлены шчытамі.

У гаспадарчай зоне сядзібы размяяшчаліся драўляная лядоўня і кузня. Кузня была квадратных памераў, пабудавана з цэглы і, у асноўным, з вялікіх камянёў-валуноў. Да нашага часу не захавалася. Лядоўня - кампактны квадратны ў плане двух'ярусны будынак. Верхні ярус вертыкальна ашаляваны і аддзелены ад ніжняга карнізам.

Вакол сядзібы быў заснаваны парк плошчай больш за 1 га. Цэнтральнай часткай парку была старая алея з дубу. Па перыметру парку знаходзіліся каштанавыя і ліпавыя алеі. Пад час вялікіх маразоў 1940 г. частка экзатычных дрэў вымерзла. Да нашага часу парк захаваўся часткова.

Пасля Вялікай Айчыннай вайны сядзіба выкарыстоўвалася як міёрская раённая бальніца, потым - сядзіба калгаса "Праўда", клуб, дзіцячы садок, пачатковая школа.

На сённяшні дзень не выкарыстоўваецца.