зваротная сувязь
Калі вы заўважылі недакладнасць, ці маеце пытанне - лістуйце:
Былая сядзіба Нямцэвічаў: сядзібны дом; фрагменты парку
Шыфр
112Г000110
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1770-я гг.
Стыль
Позняе барока
Апісанне
Упершыню маёнтак Скокі ўпамінаецца пад 1550 годам. У той час маёнткам у 31 валоку валодаў Сямён Багданавіч Клувода. Затым маёнтак перайшоў яго зяцю Івану Сямёнавічу, потым (1567) Хведару Скакоўскаму, Марыне Сямёнаўне Скакоўскай, Івану Скакоўскаму, Г.Б.Чыжэўскаму (1583), Аляксандру Заранак-Гарбоўскаму (1589), Бальтазару Бабраўніцкаму (1632), Яну Ежы Шуйскаму (1698), Францішку Шуйскаму (1705), жанатаму на Тэрэзе Нямцэвіч, Мацею Станіславу Шуйскаму, а дзесьці ў першай палове XVIII стагоддзя Александру Нямцэвічу. З таго часу і да 1939 года Скокі нязмена належалі роду Нямцэвічаў.
Сядзіба, якая дайшла да нашага часу часткова, сфарміравана ў формах адыходзячага барока. Мела сіметрычна-восевую структуру. На галоўнай планіровачнай восі змяшчаліся ўсе элементы кампазіцыі. Завяршалася вось перспектывай на сістэму вадаёмаў, з супрацьлеглага боку алея вяла да фамільнага касцёла-пахавальні, пабудаванага ў 1776 г. Цэнтр кампазіцыі - палац, уяўляе сабой двухпавярховы мураваны будынак, пабудаваны па праекце невядомага архітэктара. Найбольш поўнае ўяўленне пра выгляд палаца, адноўленага пасля пажару, які адбыўся ў першай палове XIX ст., дае акварэльны малюнак Н. Орды, выкананы у 1860-1870-я гады.
Планіроўка сядзібна-паркавага ансамбля мае сіметрычна-восевую кампазіцыю, у цэнтры якой -- двухпавярховы палац. Аднапавярховыя бакавыя флігелі (не зберагліся) стваралі перад галоўным фасадам дома курданёр, які замыкаўся з супрацьлеглага боку агароджай з варотамі. За палацам -- парк рэгулярнага тыпу планіроўкі з цэнтральнай алеяй, якая выходзіць да ручая. Драўляны касцёл-пахавальня не захаваўся.
Сядзіба мае мемарыяльнае значэнне. Палац - бацькоўскі дом і спадчына нацыянальнага героя Беларусі і Польшчы - Юльяна Урсын-Нямцэвіча, які нарадзіўся ў Скоках, класіка польскай літаратуры эпохі Асветы, гісторыка, творцы нацыянальнай ідэі Польшчы, грамадскага дзеяча, аднаго з аўтараў Канстытуцыі 3 Траўня 1791 года, удзельніка вызваленчага паўстання 1830-31 гадоў, сябра Тадэвуша Касцюшкі.
15 снежня 1917 года ў адным з салонаў скокаўскага палаца, падпісанннем мірнага пагаднення, была спынена Першая сусветная вайна на Усходзе. Ваеннае перамір’е ў скокаўскім палацы падпісалі: Аўстра-Венгрыя (граф Мірэй), Германія (прынц Баварскі), Турцыя (Зэккі-Паша), Балгарыя, Расія (доктар Іофэ).
Сартаваць па