Палацава-паркавы комплекс у аг. Раванічы Чэрвеньскага раёна помнік архітэктуры сярэдзіны ХІХ ст. Комплекс складаецца з парка і 4-х будынкаў: паўночны і паўднёвы флігелі,  палац, рэшткі былога касцёла святога Антонія.

Закладка сядзібнага дома ў Раванічах - заслуга Антонія Слатвінскага, бо мае агульны архітэктурны стыль з касцёлам Святога Антонія. Таксама маюцца падабенствы ў тым, што сядзібны дом і касцёл пабудаваны такім чынам, каб ад іх адкрываўся ўзаемны маляўнічы від, як частка адзінага сядзібнага ансамбля.

Наступным гаспадаром стаў адзін з сыноў Антонія Гвідон Слатвінскі. Пры ім у Раванічах працягнула развівацца раслінаводства, працаваў спіртзавод, крухмальны завод, лесапільня, шкляная гута. Ітэр’еры палаца мелі багатую ляпніну, сталовая – кесоны, кафельныя печы, люстры з бронзы. Будуар графіні быў аздоблены на ўсходні манер з выкарыстаннем персідскіх і турэцкіх дываноў. Мастацкую каштоўнасць мела мэбля ў кабінеце графа, творы жывапісу (карціны, партрэты Богуш-Сенстранцэвіча), фарфор карэцкі, саксонскі і сеўрскі. Меліся статыстычны архіў, сабраны Л.Слатвінскім і бібліятэка.