Былая сядзіба: сядзібны дом; гаспадарчыя пабудовы; парк

Ансамбль сядзібы сфармаваны ўздоўж берага возера. Яго кампазіцыйным цэнтрам з'яўляецца сядзібны дом з парадным прамавугольным партэрам перад ім. З усходняга боку да партэра прымыкае гаспадарчы двор, абнесены агароджай з брамай. Побач з домам з заходняга боку захаваўся пейзажны парк. Cядзібны дом -- прамавугольны ў плане аднапавярховы драўляны будынак накрыты вальмавым дахам. У цэнтры галоўнага фасада парадны ўваход, аформлены чатырохкалонным порцікам. Драўляныя элементы порціка: тонкія высокія калоны, нізкі трохвугольны франтон, вузкі карніз. Паніжэнне рэльефу мясцовасці адкрывае на дваровым фасадзе цокальны паверх. Уваход у яго размешчаны на ўзроўні зямлі. Вуглавя лапаткі і ліштвы аконных праёмаў руставаныя. Руст выкарыстаны і ў аздобе гаспадарчых будынкаў. 

У ХІХ ст. сядзіба славілася серавадароднымі крыніцамі, на базе якіх дзейнічаў курорт "Лазенкі". У 1860-ых гг. тут мелася 60 ваннаў, працавалі 2 лекары.