Былая сядзіба: сядзібны дом; парк; уязная брама

Сядзібны комплекс складаецца з жылога дома, уязной брамы і парку. Сядзібны дом двухпавярховы прамавугольны ў плане, накрыты вальмавым дахам. Мае сіметрычную аб'ёмна-прасторавую кампазіцыю. Галоўны фасад у цэнтры вылучаны рызалітам, завершаным трохвугольным франтонам. Гарызантальна фасады падзелены міжпаверхавай цягай. Сцяна першага паверха апрацавана рустам. Фасадныя плоскасці прарэзаны прамавугольнымі аконнымі праёмамі, на другім паверсе дэкарыраванымі прамымі сандрыкамі на дэкаратыўных кранштэйнах. У рызаліце арачныя аконныя праёмы і двярны ў цэнтры першага паверха. Завершаны фасады філёнгавым фрызам і карнізам.Уезд у сядзібу фіксавала брама -- вялікія пілоны з ліхтарамі зверху, паабапал размешчаны арачныя праходы з каліткамі і пары калон дарычнага ордэна.Пейзажны парк закладзены ў форме прамавугольніка. Кампазіцыйная вось слаба выражана. Парадная частка размешчана з паўднёвага боку ад уязной алеі і кампазіцыйна з ёй не звязана. Паўднёвы партэр па перыметры быў фіксаваны невялікімі дрэўнымі групамі, за якімі рос сад. З паўночнага боку за домам пасадкі дрэў былі сфарміраваны ў выглядзе невялікіх шчыльных груп з елкі, клёна і конскага каштана. Знаяная роля ў планіроўцы парку надавалася воднай сістэме, якая складалася з сажалак.