зваротная сувязь
Калі вы заўважылі недакладнасць, ці маеце пытанне - лістуйце:
Былы архірэйскі палац
Шыфр
511Г000025
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1772 - 1785 гг.
Стыль
Позняе барока
Апісанне
Магілёўская епархія была створана ў 1632 г. Месцам рэзідэнцыі епіскапа быў вызначаны Спаскі манастыр, заснаваны яшчэ ў ХІІІ ст. Спас лічыўся "патронам" Магілёва, а Спаская царква была галоўнай ў горадзе. У 1650 г. тут быў абсталяваны архірэйскі дом. У 1748 г. царква і архірэйскі дом згарэлі. Аднаўленне манастыра пасля пажару пачалося пры епіскапе Георгіі Каніскім, які прыняў Магілёўскую епархію ў 1756 г. Спецыяльна для завяршэння Спаскай царквы і будаўніцтва палаца ён запрасіў з Вільні архітэктара Я. Глаўбіца. Палац для Г. Каніскага пабудаваны ў 1762-1785 гг. Ён быў пабудаваны так, што разам з саборнай царквой складаў адзіную панараму, якая раскрывалася ў бок Дняпра і з вул. Ветранай (сучасная вул. Ленінская).Вядома, што ў 1794 г. 19 студзеня у архірэйскім доме зноў адбыўся пажар. Згарэў мураваны будынак, у якім размяшчалася кансісторыя з канцылярыяй, кладовая, пякарня, трапезная, келля эканома. Заступіўшы на прастол у 1795 г. пасля Каніскага епіскап Афанасій аднавіў архірэйскі дом, службовыя будынкі, пасадзіў сад. Да архірэйскага падвор'я адносіліся двухпавярховы палац з дамовай Увазнясенскай царквой і 3 мураваныя флігелі.
Сартаваць па