зваротная сувязь
Калі вы заўважылі недакладнасць, ці маеце пытанне - лістуйце:
Былы дом масонаў
Шыфр
712Г000142
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
пач. ХІХ ст.
Апісанне
Будынак знаходзіцца ў гістарычным цэнтры г. Мінска - "Верхнім горадзе". Трасіроўка зав. Музычнага пачала фарміравацца ў 14 -15 ст. Не выключана, што першапачаткова ён з'яўляўся праходам да ўчасткаў, размешчаных у цэнтры квартала, сфарміраванага з усходняга боку былой плошчы "Высокага рынку" (сучасная пл. Свабоды). Затым стаў праездам, які злучаў плошчу з вул. Зыбіцкай (сучасная вул. Гандлёвая). У 19 -- пачатку 20 ст. завулак называўся Бернардзінскім, Семінарскім, Манастырскім (альбо Мала-Манастырскім), Музыканцкім. За будынкам замацавалася назва "дом масонаў". За будынкам замацавалася назва "дом масонаў". Праўда, сучасныя даследчыкі не выявілі дакументаў, якія б пацвярджалі, што менавіта тут адбываліся пасяджэнні ложы. Вядома, што ў Мінску існавала масонская ложа "Северный факел" з 1816 па 1822 гг. Найбольш верагодна, што будынак атрымаў такую назву, таму што адзін з яго ўладальнікаў Гілярый Сцяпанавіч Якубоўскі значыўся ў спісах мінскай масонскай ложы. Несумненна, дом № 5 вылучаецца сярод жылой забудовы Верхняга горада, якая фарміруе яго гістарычны воблік. Будынак адносіцца да ліку найбольш старых жылых дамоў, сярод ацалелых у Верхнім горадзе. Фасады, нягледзячы на пераробкі, захавалі рысы архітэктуры стылю класіцызму і, найперш, венецыянскае акно на другім паверсе ў рызаліце. У 2002 г. будынак рэстаўрыраваны з прыстасаваннем пад музей.
Сартаваць па