зваротная сувязь
Калі вы заўважылі недакладнасць, ці маеце пытанне - лістуйце:
Былы Дом урача
Шыфр
413Г000672
Катэгорыя каштоўнасці
Тып каштоўнасці
Падтып каштоўнасці
Месца знаходжання
Гродзенская вобласць, г. Гродна, вул. Студэнцкая, 6
Датаванне
1906 г.
Стыль
Эклектыка з элементамі мадэрна
Апісанне
Сiметрычнай аб'ёмна-прасторавай кампазіцыі двухпавярховы з падвалам пад паўночнай часткай прамавугольны ў плане будынак. Накрыты вальмавым дахам. Фасады абліцаваны светла-жоўтай цэглай, нетынкаваныя, фрагментарна захавалася расшыўка валікам. Галоўны фасад у цэнтры вылучаны несапраўдным рызалітам, завершаным лучковага абрысу франтонам. Тымпан франтона фланкіраваны слупкамі з ляпным дэкорам, прарэзаны трайным аконным праёмам, дэкарыраваным сандрыкам. Вуглы будынка і рызаліта акцэнтаваны лапаткамі з ляпным дэкорам. У завяршэнні на даху з боку галоўнага фасада на вуглах стаяць чатырохгранныя слупкі з паўцыркульным завяршэннем і ляпным дэкорам, аналагічныя слупкам франтона. Паміж слупкамі металічны мудрагелістага малюнка з матывам змей парапет. Слабавыражаныя лучковыя аконныя праёмы на першым паверсе дэкарыраваны сандрыкамі з замковымі камянямі ў выглядзе маскі льва. У міжаконных прасценках сандрыкі аб'яднаны цягамі. Знізу аконныя праёмы падкрэслены прафіляванымі карнізнымі паяскамі і нішамі. На другім паверсе аконныя праёмы дэкарыраваны крыху іншай формы сандрыкамі, чым на першым паверсе, з замковымі камянямі, упрыгожанымі геаметрычным узорам. Пад вокнамі маюцца карнізныя паяскі з накладнымі фігурнымі элементамі. Дзвярны праём заглыблены ўнутр, таксама акцэнтаваны сандрыкам з замковым каменем з маскаронам. Уваходныя дзверы філянговыя напалову зашклёныя, з узорыстай каванай рашоткай на шкле, зверху з фрамугай.
Сартаваць па