Былы гарадскі асабняк
Былы гарадскі асабняк
Змест
Звесткі аб каштоўнасці
Шыфр
413Г000670
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1905 г.
Стыль
Эклектыка з рысамі мадэрна
Апісанне
Па звестках І. Трусава, будынак быў пабудаваны ў 1905 г. Пляц належаў купцам Гелерам Ганне і Гіршу. Паводле інвентарызацыі 1910 г. жылы дом характарызаваўся як аднапавярховы з мезанінам, падвалам і верандай. У 1920-я гг. частка кватэр здавалася ў наём.
На сённяшні дзень будынак аднапавярховы з мансардай і падвалам прамавугольны ў плане накрыты двухсхiльным дахам. Фасады патынкаваныя. Складаецца з двух аб'ёмаў: да асноўнага аб'ёма з паўднёвага боку прыбудаваны ніжэйшы невялікі аб'ём пад двухсхільным дахам. Галоўны фасад асноўнага аб'ёма вылучаны ў цэнтры драўляным мезанінам, завершаным скругленым франтонам. Захавалася аконная сталярка. Аконныя праёмы падкрэслены цягай, міжаконныя прасценкі дэкарыраваны рустам. Завершаны фасад філянговым фрызам і карнізам. Фасад ніжэйшай прыбудовы прарэзаны лучковымі дзвярным і 2 аконнымі праёмамі. Паўночна-заходні вугал будынка скруглены. У цэнтры фасада размешчаны дзвярны праём, аформлены прафіляваным драўляным парталам, дзверы філянговыя з зашклёнай фрамугай. Абапал дзвярэй два аконныя праёмы, падкрэсленыя цягай.
Доступ да аб'екта