зваротная сувязь

Калі вы заўважылі недакладнасць, ці маеце пытанне - лістуйце:

Імя

Калі ласка, прадстаўцеся

Як з вамі звязацца?

Увядзіце карэктны email

Пытанне

Пра што вы хацелі даведацца?

Я згодзен/на з Палітыкай апрацоўкі персанальных дадзеных

Адпраўлена!

Памылка!

Былы гасціны двор

Цiкавае

Змест

Звесткі аб каштоўнасці

Шыфр

712Г000234

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк грамадскай архiтэктуры

Месца знаходжання

г. Мінск, Цэнтральны раён, пл. Свабоды, 2, 4, 8

Датаванне

кан. XVIII ст.

Стыль

Класіцызм

Апісанне

Плошча Свабоды (былы Новы рынак, Высокі рынак, Саборная плошча) як горадабудаўнічы ансамбль склалася ў 16 ст. Плошча была запраектавана прамавугольная ў плане. Паводле гістарычных звестак, у 18 ст. у цэнтры плошчы ўжо размяшчаўся мураваны гасціны двор. На плане г. Мінска 1793 г. гасціны двор паказаны С-падобнай формы. На гэтым месцы зараз размешчаны дамы № 2 і 4. У канцы 18 ст. губернскі архітэктар Ф. Крамер запраектаваў будынак з паўночна-ўсходняга боку комплекса. Будынак меў рысы класіцызму, быў двухпавярховы, цэнтральная частка вылучана чатырохкалонным порцікам, вуглавыя часткі вырашаны трохвугольнымі аб'ёмамі са скошанымі вугламі. У 1830-я гг. да будынка з паўднёвага, паўночна-ўсходняга і паўночнага бакоў была прыбудавана гандлёвая галерэя. У гэты ж час забудоўваецца ўнутраны двор. Такім чынам, да сярэдзіны 19 ст. комплекс гасцінага двара ў асноўным сфарміраваўся. У пачатку 20 ст. М.Г. Айзенштадт перабудаваў частку комплекса, якая знаходзілася ў яго валоданні. У выніку перабудовы ў комплекс гасцінага двара быў упісаны будынак стылю мадэрн. У ім размяшчаліся крамы, Азова-Данскі камерцыйны банк, Купецкі клуб. У 1920-я гг. была разабраная гандлёвая галерэя, а ў 1930-я гг. рэканструяваны будынак на паўночна-ўсходнім баку плошчы, пабудаваны паводле праекта Ф. Крамера. У 1946 г. у будынку з паўночнага боку плошчы адбыўся пажар, у выніку якога згарэў дах, падлога, вокны, пашкоджаны міжпаверхавыя перакрыцці і перагародкі 3-га паверха. У тым жа годзе Шаліма выканаў праект аднаўлення будынка. Пад час аднаўлення частка дома была паніжана на адзін паверх (разабраны сцены двухсветлавой залы), зроблена новая лесвіца.