Былы калегіум езуітаў - касцёл, кляштарны корпус з сюжэтнымі роспісамі ў інтэр'еры келляў і трапезнай
Шыфр
512Г000510
Дадзеная каштоўнасць мае ў комплексе некалькі аб'ектаў.
Катэгорыя каштоўнасці
Тып каштоўнасці
Падтып каштоўнасці
Датаванне
1730 г. - 1750 г.
Стыль
Рысы рэнесансу, барока і класіцызму
Апісанне
Былы езуіцкі касцёл (пазней Мікалаеўскі сабор) з прыналежнымі да яго пабудовамі заснаваны ў пачатку 17 ст. Як сцвярджае М.В. Без-Карніловіч, польскі кароль Жыгімонт даў згоду на заснаванне ў Мсціславе езуіцкага касцёла, калегіума і школы для навучання дваранскіх дзяцей. На думку Г. Краснянскага, першы мураваны касцёл Св. Мікалая быў пабудаваны езуітамі ў 1614 г., па іншых звестках у 1616 г., пры дапамозе тагачаснага старосты Пятра Паца. Больш падрабязныя і даставерныя звесткі аб езуітах у Мсціславе знаходзім у кнізе даследчыка Заленскага "Jezuici w Polsce". Аўтар піша, што ў 1626 г. для літоўскіх і польскіх католікаў мсціслаўскі староста Пётр Пац пабудаваў касцёл.
