зваротная сувязь
Калі вы заўважылі недакладнасць, ці маеце пытанне - лістуйце:
Былы манастыр базыльян: Петрапаўлаўская царква; роспіс скляпенняў, жылы манастырскі корпус
Шыфр
112Г000643
комплексны аб’ект
Дадзеная каштоўнасць мае ў комплексе некалькі аб'ектаў.
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1639 - 1675 гг.
Апісанне
Петрапаўлаўская царква ўяляе сабой аднанефавы з паўкруглай апсідай храм. Алтаром арыентавана на захад. Па баках апсіды прыбудаваны дзве нізкія квадратныя ў плане сакрысціі. У паўднёвай сакрысціі быў размешчаны дадатковы выхад з царквы. Асноўны архітэктурны акцэнт зроблены на галоўны фасад. Цэнтральная частка фасада выступае наперад рызалітам, фланкіраваным слаістымі пілястрамі. Ён завершаны шырокай і плоскай вежай. Па меркаванні даследчыкаў, першапачаткова яна мела барочныя формы і аздобу. На столі нефа размешчаны роспіс "Спаса-Праабражэння" (пасля пажару адноўлены ў пачатку ХХ ст.). У алтары на плафоне размешчаны роспіс "Бог Саваоф", на бакавых сценах у медальёнах змешчаны выявы св. апосталаў Пятра і Паўла.
У Вялікую Айчынную вайну храм пацярпеў нязначна, месцамі снарадамі быў пашкоджаны дах. У 1955 г. зроблены рамонт, які, галоўным чынам, датычыўся спраўлення вежаў, карнізаў, замены драўляных канструкцый купала, перакрыцця даху ацынкаваным жалезам. У 2003-2004 гг. праведзены рамонт даху і купалоў.
Манастырскі корпус быў узведзены ў 1784-1788 гг. архітэктарам Я.С. Бэкерам. З 1919 г. у будынку месцілася школа. У 80-х гг. ХХ ст. у будынку жылога корпуса размяшчалася паліклініка. У 2000-х гг. - раённая турыстычная база. З 2009 г. манастырскі корпус належыць праваслаўнаму прыходу Свята-Петра-Паўлаўскай царквы г.п. Ружаны.
Сартаваць па
Аб'екты, якія ўваходзяць у склад дадзенай каштоўнасці (комплекснага аб'екта)
