Былы народны дом (руіны)

Аднапавярховы будынак, у плане быў П-падобны, фасадам выцягнуты ўздоўж вул. В. Крайняга. Цокаль бутавы, сцены цагляныя, дэкор выкананы з лякальнай цэглы. Захаваліся фасадныя сцены без перакрыццяў і даху. Галоўны фасад члянёны высокімі арачнымі вокнамі ў абрамленнях з сухарыкамі і падаконнымі карнізамі. Вуглавыя часткі вылучаны руставанымі лапаткамі і завершаны двухсхільнымі шчытамі (з левага боку фасада не захаваўся). Фасадная сцяна і шчыты акаймаваны карнізам з паяском парэбрыка і ступеньчатымі сухарыкамі. Бакавы паўночна-заходні фасад члянёны двума (дзвярным і аконным) высокімі арачнымі праёмамі, аформленымі аналагічна з вокнамі на галоўным фасадзе. З