зваротная сувязь
Калі вы заўважылі недакладнасць, ці маеце пытанне - лістуйце:
Былы палац Пацёмкіна
Шыфр
512Г000479
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1778 г. - 1787 г.
Стыль
Класіцызм з напластаваннямі псеўдаготыкі
Апісанне
У 1776 г. Кацярына ІІ перадала Крычаўскае староства графу Р.А. Пацёмкіну. У перыяд 1778 - 1787 гг. для графа Пацёмкіна ў Крычаве быў пабудаваны палац у стылі класіцызму па праекту вядомага расійскага архітэктара Івана Ягоравіча Старова (1743 - 1808 гг.). У 1787 г. Пацёмкін прадаў палац і Крычаўскія ўладанні Яну Галынскаму. У 1849 г. унук Яна Стэфан Галынскі вырашыў абнавіць сваю рэзідэнцыю ў стылі несапраўднай готыкі. Аўтарам неагатычных змен быў архітэктар Бернар Сімон (1816 - 1900 гг.). Палац належыў Галынскім да кастрычніка 1917 г. Летам 1918 г. уражэнка г. Чэрыкаў Еўдакія Мікалаеўна Гардзеева адрамантавала пашкоджаны ў час пажару палаца. У1918-1941гг. у будынку палаца размяшчаліся гімназія, 3-я Крычаўская працоўная школа другой ступені, дашкольны педтэхнікум. Пасля Вялікай Айчыннай вайны ў палацы размяшчалася школа і педтэхнікум, а з 1960 г. - школа-інтэрнат. Да пачатку 1980-х гг. палац знаходзіўся ў кепскім стане. На працягу 1988-2007 гг. ( у 2002-2005 гг. аб'ект быў закансерваваны) вяліся рэстаўрацыйныя работы палаца. 16.02.2008 адбылося яго святочнае адкрыццё. Зараз палац мае наступны выглыд. Палац мураваны, у плане П-падобны, двухпавярховы, з цэнтральным рызалітам на галоўным фасадзе. Мае пакаты двухсхільны дах. Кампазіцыйным цэнтрам абодвух паверхаў з'яўляюцца вялікія круглыя залы, якія выступаюць з асноўнага аб'ёма будынка ў бок двара. У будынку палаца размясціўся Крычаўскі гістарычны музей і Крычаўскі раённы аддзел ЗАГС. Крычаўскі палац - адзіны ў Магілеўскай вобласці палац гарадскога тыпу, які захаваўся да нашага часу.
Сартаваць па