зваротная сувязь
Калі вы заўважылі недакладнасць, ці маеце пытанне - лістуйце:
Былы палацава-паркавы ансамбль: палац; парк
Шыфр
612Г000500
Катэгорыя каштоўнасці
Тып каштоўнасці
Падтып каштоўнасці
Датаванне
1827 г.
Стыль
класіцызм
Апісанне
Сноў па пісьмовых крыніцах вядомы з 16 ст. Упамінаецца ў маі 1529 г. як маёнтак паноў Сноўскіх у Навагрудскім ваяводстве ВКЛ. З пачатку 17 ст. ўласнасць Я.М.Пратасовіча (Пратасевіча). Некаторыя даследчыкі лічаць, што маёнтак уваходзіў у склад уладанняў Радзівілаў, затым належаў Гарыбурдам. У 1639 г. Ежы (Юрый) Гарыбурда прадаў ключ сноўскі Яну Гераніму Рдултоўскаму герба Драгаслаў
Заснавальнікам сноўскай лініі роду быў Ян Багуслаў Рдултоўскі (1665 – 1744), кашталян навагрудскі, жанаты на Алене Ваньковіч. У спадчыну маёнтак дастаўся іх сыну Антонію Ежы (1700 – 1764), падваяводзе навагрудскаму, жанатаму на Юстыне Хлусевіч. Наступным уладальнікам сноўскага маёнтка стаў іх сын Ян Хрызастом Рдултоўскі (1735 – 1791), харунжы навагрудскі, кавалер ордэна св. Станіслава і баварскага ордэна Залатога Льва. Затым валодаў яго сын ад трэцяга шлюбу з Францішкай Ржавускай Казімір (1785 – 1855).
Палацава-паркавы комплекс адзін з буйнейшых у Беларусі. У аб’ёмна-прасторавай кампазіцыі і архітэктурна-планіровачным рашэнні палаца ўвасоблены прынцыпы архітэктуры класіцызму: строгая сіметрыя з выдзяленнем кампазіцыйнага цэнтра, ордэрная пластыка ў дэкаратыўнай аздобе фасадаў (калоны, карнізы, фрызы, сандрыкі, філёнгі, ляпныя ўстаўкі і інш.). Адзначаныя стылістычныя асаблівасці палаца, аўтэнтычныя элементы дэкору падлягаюць абавязковаму захаванню.
Захаванню падлягаюць тэрыторыя парку, алеі па перыметры парку і водная сістэма (ставы і каналы)
Сартаваць па