Адпраўлена!

Памылка!

Былы сядзібны дом Станіслава Гласка

Цiкавае

Змест

Звесткі аб каштоўнасці

Шыфр

213Г000700

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнік сядзібнай архітэктуры

Месца знаходжання

Віцебская вобласць, Расонскі раён, г. п. Расоны, вул. Камсамольская, 23

Датаванне

1904 г.

Стыль

Неаготыка

Апісанне

Былы сядзібны дом Станіслава Гласка быў пабудаваны ў 1904 г. у старажытнанямецкім стылі па праекце Эдмунда Фрыка.

План дома меў складаную канфігурацыю з-за шматлікіх паваротаў, доўгіх калідораў і патаемных усходаў, розных залаў і інтымных пакояў. Планіроўка будынка калідорнага тыпу: па баках Т-падобнага калідора размешчаны пакоі разнастайнай формы і габарытаў. У палацы меліся залы ампірная і “Луі Філіп”. Сталовая зала была вытрымана ў “гданьскім” стылі. У будуары стаяла мэбля з чырвонага дрэва, інкруставаная слановай косткай. Існаваў “дубовы” кабінет, аформлены габеленамі. У “гданьскіх” шафах побач з фарфорам захоўваўся крышталь. Сцены былі ўпрыгожаны парчой, шалямі, карцінамі мастакоў італьянскай школы. Асаблівую каштоўнасць прадстаўлялі дзве кампазіцыі: “Мадонна” і “Святы Себасцьян” невядомых майстроў.

Сям'я Станіслава Гласка пражывала ў сядзібе да 1917 г. Пасля Кастрычніцкай рэвалюцыі тут размясціліся спачатку міліцыя, потым - НКВД. Падчас Вяліка Айчыннай вайны ў 1941-1944 гг. тут была турма, а з 1946 г. - установа аховы здароўя. Пасля размясціўся раённы выканаўчы камітэт. З 1980 г. - Дом састарэлых. У 1990 г. дом займаў раённы аддзел народнай адукацыі, а затым дзіцячая турыстычная база. З 1989 г. - Дом піянераў, які ў 1990 г. перайменаваны ў Дом школьніка, затым у 2003 г. - у Цэнтр пазашкольнай работы і ў 2012 г. - у Цэнтр дзяцей і моладзі.