Былы жылы дом

Прамавугольны ў плане двухпавярховы з падвалам і мезанінамі будынак накрыты двухсхільным дахам. Фасады патынкаваныя. Асіметрыю галоўнаму фасаду надае несапраўдны ызаліт з паўднёвага боку, дзе размешчаны галоўны ўваход. На ўзроўні другога паверха вуглавыя часткі фасада вылучаны пілястрамі. Па гарызанталі фасад падзелены прафіляванай цягай. Плоскасць сцяны першага паверха апрацавана рустам, члянёна прамавугольнымі аконнымі праёмамі ў ліштвах з замковым каменем. На другім паверсе аконныя праёмы дэкарыраваны ліштвамі з замковым каменем, прамымі сандрыкамі, падаконнымі філёнгамі. У цэнтры фасада размешчаны балкон з ажурнай металічнай агароджай і на такіх жа кранштэйнах. Завершаны фасад карнізам з сухарыкамі. Па цэнтральнай восі будынка мезанін, завершаны фігурным крапаваным лапаткамі і карнізамі атыкам. Тыльны фасад вырашаны падобна галоўнаму.