Сядзіба Умястоўскіх: чатыры калоны тасканскага ордэра

 Актам ад 6 сакавіка 1922 г. маркграфіня Яніна Умястоўская ўтварыла "Жамыслаўскую навуковую фундацыю Уладыслава і Яніны Умястоўскіх пры Віленскім універсітэце". У Жамыслаўлі павінны былі быць утвораны навуковыя арганізацыі і сярэдняя земляробчая школа з інтэрнатам па ўзору тых, што існавалі ў Англіі. Для студэнтаў лясных і сельскагаспадарчых факультэтаў у асноўным з Познані і Львова быў пабудаваны дом з дрэва, які меў порцік і калоны. 

Па ўспамінах жыхаркі аг. Жамыслаўль, былой настаўніцы гісторыі мясцовай школы Курсевіч Вольгі Уладзіміраўны студэнцкі дом быў знішчаны агнём у першыя дні Вялікай Айчыннай вайны. 3 тых пор да сённяшняга дня ад студэнцкага двухпавярховага дома захаваліся толькі чатыры калоны порціка.