ДБЖ-334 «Маці Боская»

Ікона “Маці Божая”. 1689 г.  На абразе прадстаўлена амаль пакаленная выява Маці Божай з немаўлём тыпу Адзігітрыі («Пуцяводніцы»), першаўзорам якога лічаць старажытную ікону Влахернскага храма ў Канстанцінопалі. Абраз, што сустракаецца на тэрыторыі Русі і Беларусі ў дамангольскі перыяд, становіцца адным з самых распаўсюджаных. У ім прасочваецца характэрная для гэтага зводу статычная, амаль прамая пастава фігур, якая надае вобразу асаблівую ўрачыстасць і велічнасць. Яго каларыстычнае рашэнне засноўваецца на спалучэнні насычаных, прыглушаных колераў.

Палі апраўленыя драўлянымі накладкамі. Злева: МР. Справа: IE XP.