Дом друку
Дом друку
Змест
Звесткі аб каштоўнасці
Шыфр
712Г000199
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1930 год - 1935
Стыль
канструктывізм
Апісанне
Будаўніцтва Дома друку распачалося ў 1930 г. Завершана будаўніцтва Дома друку ў 1935 г. Аднак некаторыя даробкі і спраўленні вяліся яшчэ на працягу двух гадоў. Уяўленне аб яго першапачатковым выглядзе даюць нам фотаздымкі 1933-1940 гг. Дом друку быў Г-падобны ў плане. Меў рысы архітэктуры канструктывізму. У Вялікую Айчынную вайну будынак захаваўся. У пасляваенны перыяд, у 1963-1978 гг. Дом друку быў рэканструяваны: вытворчы корпус падоўжаны па фронту вуліцы Сурганава і над ім надбудаваны яшчэ адзін паверх. Пры гэтым першапачатковая стылістыка фасадаў будынка захавалася.
Будынак № 77. Чатырохпавярховы з цокальным паверхам прамавугольны ў плане будынак накрыты вальмавым дахам. Цокальны паверх аддзелены цягай. Галоўны фасад абліцаваны бетоннымі афактуранымі пліткамі. У цэнтры фасад вылучаны на вышыню двух паверхаў развітым парталам. Ніжні ярус партала члянёны арачнымі дзвярным і абапал яго аконнымі праёмамі ў прафіляваных слаістых абрамленнях.
Будынак №79. Чатырохпавярховы з падвалам П-падобны ў плане будынак. У яго аб'ёме дамінуе вежападобная пяцiпавярховая вуглавая частка. На ўзроўні яе 1-га паверха ўбудавана вуглавая лоджыя, якая акцэнтуе галоўны ўваход у будынак. Фасад вуглавога аб'ёму, арыентаваны на пр. Незалежнасці, плоскі, узбагачаны невялікімі балконамі з вузкімі дзвярнымі праёмамі. Фасад, арыентаваны на вул. Сурганава, прарэзаны шырокімі аконнымі праёмамі, вылучаны невялікім вузкім рызалітам. Плоскасць рызаліта на ўсю вышыню ў цэнтры зашклёна. Кампазіцыя чатырохпавярховага крыла, арыентаванага фасадам на пр. Незалежнасці, заснавана на рытмічным чляненні сцен вялікімі аконнымі праёмамі. Крыло па вул. Сурганава ў пасляваенны перыяд дабудавана, прарэзана шырокімі і высокімі аконнымі праёмамі, на верхнім паверсе аконныя праёмы меншыя па вышыні.
Доступ да аб'екта