Дом рамесніка
Дом рамесніка
Змест
Звесткі аб каштоўнасці
Шыфр
611Г000479
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1721 г.
Стыль
Барока
Апісанне
Будынак – прыклад гарадской забудовы ХVІII ст. стылю барока.
Будынак № 1 знаходзіцца ў гістарычным цэнтры горада, на паўночна-заходнім баку былой адміністрацыйна-гандлёвай плошчы Нясвіжа. Вядомы ў спецыяльнай і навукова-папулярнай літаратуры як “дом рамесніка”, “дом на рынку”. Афіцыйнай датай будаўніцтва дома лічыцца 1721 г., хаця дакументальнага пацвярджэння пакуль не выяўлена.
Як заўважаў В.А.Чантурыя, дамы рамеснікаў і гандляроў складалі значную частку жылля ў беларускіх гарадах. На думку В.А.Чантурыя, дом рамесніка ў Нясвіжы ўяўляе з сябе больш развіты варыянт такога тыпу гарадскіх жылых дамоў. Праведзеныя ў 1980-я гг. архітэктарамі-рэстаўратарамі натурныя даследаванні паказалі, што ў ХІХ ст. была дабудавана часта будынка з тыльнага боку
Будынак пацярпеў у гады Вялікай Айчыннай вайны. З акта агляду ў 1946 годзе вынікае, што быў сарваны дах, выбіты вокны і дзверы. Відавочна, у канцы 1940-х гадоў быў зроблены рамонт, таму што ў пачатку 1950-х гг. будынак арандаваўся арцелямі "Перамога" і "Новая зара", пры гэтым, праўда, адзначалася, што будынак “у ветхім стане”. Аб тым, як ён выглядаў у пачатку 1950-х гг., сведчаць фотаздымкі 1954 г.
У 1957 г. адбыўся капітальны рамонт будынка. У 1986 – 1988 гг. былі праведзены грунтоўныя даследаванні і распрацаваны праект рэстаўрацыі з прыстасаваннем “дома рамесніка” пад дзіцячую бібліятэку. Рэстаўрацыя будынка з прыстасаваннем пад дзіцячую бібліятэку была завершана ў пачатку 1990-х гг. У 2010 г. зроблена замена аконнай і дзвярной сталяркі.
Сучаснае выкарыстанне -Нясвіжская дзіцячая школа мастацтваў (мастацкі клас).
Доступ да аб'екта