Фартыфікацыйныя збудаванні 68-га Гродзенскага ўмацаванага раёна: аднапавярховы двухамбразурны гарматна-кулямётны дот са слядамі баёў 1941 года

Аднапавярховы двухамбразурны гарматна-кулямётны дот № 19 (ОПДОТ) уяўляе сабой доўгачасовае фартыфікацыйнае збудаванне для вядзення франтальнага агню з жалезабетону памерамі 12 х 9 м, вышыня 2,3 м (таўшчыня сцен ад 1,2 да 1,7 м, перакрыцця – 1,65 м, франтальныя сцены і перакрыцце ўзмоцнена кацельным жалезам таўшчынёй 0,5 мм). Дот складаецца з наступных памяшканняў (казематаў) - для каменданта з перыскопам і радыёстанцыяй, абароны ўвахода з аварыйным выхадам, два супрацьхімічныя тамбуры, два баявых казематы для размяшчэння гарматнай сістэмы ДОТ-4 (45 мм гармата з 7,62 мм кулямётам узору 1939) і кулямётнай сітэмы НПС-3 (7,62 мм кулямёт “Максім”), для захоўвання боепрыпасаў, памяшканні з калодзежам, для адпачынку гарнізона, генератарная. Тыльная частка збудавання з уваходам і амбразурай абароны ўвахода разбурана ў выніку падрыва