Фартыфікацыйныя збудаванні 68-га Гродзенскага ўмацаванага раёна: двухпавярховы двухамбразурны гарматна-кулямётны дот са слядамі баёў 1941 года, з памятнай шыльдай

Двухпавярховы двухамбразурны гарматна-кулямётны ДОТ № 20 (ОПДОТ) уяўляе сабой доўгачасовае фартыфікацыйнае збудаванне для вядзення франтальнага агню з жалезабетону памерамі 12 х 9 м (таўшчыня сцен ад 1,2 да 1,5 м, франтальныя сцены і верхняе перакрыцце ўзмоцнена кацельным жалезам таўшчынёй 0,5 мм), на верхнім паверсе з памяшканнямі для каменданта, абароны ўвахода, супрацьхімічнымі тамбурамі, для размяшчэння гарматнай устаноўкі ДОТ-4 (45 мм гармата з 7,62 мм кулямётам узору 1939) і кулямётнай устаноўкі НПС-3 (7,62 мм кулямёт “Максім”), на ніжнім паверсе – памяшканні для захоўвання боепрыпасаў, электрастанцыі, фільтравентыляцыйнай устаноўкі і адпачынку гарнізона. ДОТ № 20 быў моцна пашкоджаны пад час баёў 22-24 чэрвеня 1941 г.: разбураны ўнутраныя памяшканні і перакрыцці паміж паверхамі, адсутнічае сцяна з гарматнай сістэмай. Захаваўся калідор (сквознік), які з’яўляўся дадатковай абаронай увахода ў ДОТ