зваротная сувязь
Калі вы заўважылі недакладнасць, ці маеце пытанне - лістуйце:
Фрагмент (галоўны фасад) будынка трансфарматарнай падстанцыі першай Мінскай электрастанцыі
Шыфр
713Г000183
Катэгорыя каштоўнасці
Тып каштоўнасці
Падтып каштоўнасці
Месца знаходжання
г. Мінск, Партызанскі раён, пр-т Незалежнасці – вул. Янкі Купалы – р. Свіслач
Датаванне
1872 г.
Стыль
Неаготыка
Апісанне
Пытанне аб правядзенні ў горад электрычнага асвятлення паўстала ў гарадской управе ў 1892 г. Праз два гады было закуплена абсталяванне для электраасвятлення з усімі прыналежнасцямі. І 12 студзеня 1895 г. пачала дзейнічаць электрастанцыя. Спачатку знаходзілася яна ў адным будынку з водаправоднай станцыяй. У інвентарным вопісу водаправодна-электрычнай станцыі за 1899 г. даецца падрабязнае апісанне будынка і абсталявання. Як вышэй ужо адзначалася, увесь будынак "гарадской водакачальні і станцыі электрычнага асвятлення" складаўся з трох мураваных аддзяленняў, крытых жалезам, памерам: вышыня 2 саж., 8,5х3 + 2,5х2 + 12,9х4,75 саж. У першым аддзяленні, 1882 года пабудовы, памерам 6х3 саж. знаходзілася вялікая вадапомпавая машына. У будынку падлога была з цэментных плітаў, адна галандская печка, пяць вокнаў, адны ўваходныя двухстворкавыя філянговыя дзверы і адны двухстворкавыя філянговыя дзверы ў будынак для электрычнай станцыі. Будынак уяўляе сабой збудаванне складанай аб'ёмна-прасторавай кампазіцыі з несіметрычным планам. Злучаныя памiж сабой аб'ёмы маюць розныя велiчыню i паверхавасць, архiтэктурнае вырашэнне фасадаў. Самы высокі чатырохпавярховы аб'ём вырашаны лаканічна, падзелены рознавялікімі прамавугольнымі аконнымі праёмамі, раскрапаваны плоскімі лапаткамі. Да яго прымыкае аднапавярховы аб'ём з вестыбюлем. Галоўны фасад прарэзаны высокімі прамавугольнымі аконнымі праёмамі ў простых ліштвах.
Будынак на беразе р. Свіслачы з'яўляецца ўнікальным помнікам прамысловай архітэктуры і гісторыі - першай гарадской электрастанцыяй.
Сартаваць па