Фрагменты былой сядзібы Ельскіх: тэрыторыя двара; водная сістэма

Маёнтак вядомы з 1600 г. У 1621 г. Рафаіл Адахоўскі прадаў маёнтак Янушу Быхаўцу. У 2-й чвэрці 17 ст. Дудзічы пад залог пераходзяць у валоданне да Заранкаў-Гарбоўскіх. Затым у 1767 г. у якасці пасагу Аляксандры Заранкі-Гарбоўскай маёнтак пераходзіць ва ўласнасць Юзафа Прозара. Дудзічы атрымала ў спадчыну дачка Юзафа Роза. Яна выйшла замуж за Станіслава Ельскага. Такім чынам, уладальнікамі маёнтка сталі Ельскія. Ён пераходзіў у спадчыну Каралю Ельскаму, доктару медыцыны. яго сыну Міхалу, вядомаму скрыпачу і кампазітару. Апошнімі уладальнікам былі Аляксандр Ельскі, брат Міхала, і яго сын Ян. Сядзіба была пабудавана на рацэ Пціч Юзафам Празорам у формах позняга барока за два гады (1767-1769).Уяўленне аб ранняй сядзібе дае нам малюнак Ю.Пешкі пачатку 19 ст. Да сядзібы вяла ліпавая алея. Уезд быў зроблены ў ніжнім ярусе свірна.