Фрагменты былой сядзібы "Ігнацічы": сядзібны дом; флігель; кармацэх; свіран; сіласная вежа; фрагменты парку
Шыфр
613Г000360
Катэгорыя каштоўнасці
Тып каштоўнасці
Падтып каштоўнасці
Месца знаходжання
Мінская вобласць, Мінскі раён, в. Калініна, с/с Міханавіцкі
Датаванне
1900 г.
Стыль
Неабарока, гістарызм з элементамі рамантызму і натуралізму (парк)
Апісанне
Найбольш раннія звесткі аб маёнтку Ігнацічы адносяцца да 17 ст. У той час ён належаў Халецкім. У першай палове 18 ст. маёнтак ў якасцi пасагу Ганны Халецкай стаў уласнасцю Радзiвiлаў. У 1843 г. Аляксандр Дамінікаў Радзівіл прадаў Ігнацічы Раймунду Станіслававу Калянчынскаму (купчая крэпасць аформлена ў Мінскай палаце грамадзянскага суда 22 сакавіка 1844 г.). У склад маёнтка ўваходзілі вёскі Кацягі, Чурылавічы, Дзяргаі і Слабада Дзядаўка. Усіх "мужчынскіх душ" было 227. Акрамя таго, Радзівіл разам з маёнткам прадаў Калянчынскаму фальварак Аляксееўку без сялян.