Фрагменты былой сядзібы "Трусавічы": фрагменты парку; вадаёмы; рэшткі лядоўні
Фрагменты былой сядзібы "Трусавічы": фрагменты парку; вадаёмы; рэшткі лядоўні
Змест
Звесткі аб каштоўнасці
Шыфр
613Г000276
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
д. п. XIX ст.
Апісанне
Фрагменты сядзібы Трусавічы знаходзяцца на правым беразе невялікай р. Канатопкі, на пагорку. Былая сядзіба захавалася з вялікімі стратамі як пабудоў, так і ў цэлым прасторава-планіровачнай структуры.
Сядзіба Трусавічы была пабудавана ў др. пал. ХІХ ст. у простых эклектычных формах. З двух процілеглых бакоў да цэнтра сядзібы пасярод поля вялі выяздныя алеі, якія надавалі невялікай сядзібе велічнасць. Цагляны атынкаваны сядзібны дом з верандай месціўся сярод невялікага (каля 2 га) пейзажнага парка. У плане будынак быў прамавугольны, з трох бакоў яго акружалі алеі. З боку поймы палац быў адкрыты. На адной з палян парка стаялі вялізныя арэлі.
Сядзібны дом згарэў падчас апошняй вайны. У ім размяшчалася пагранічная застава. Не захаваўся і будынак спіртзавода.
З усіх гаспадарчых пабудоў часткова захавалася лядоўня - памяшканне для захоўвання прадуктаў. Уяўляе сабой заглыбленае ў зямлю збудаванне. Была змуравана з камянёў, мае скляпеністае перакрыцце таксама з бутавай муроўкі. У гады вайны лядоўня выкарыстоўвалася партызанамі для выпечкі хлеба.
На сённяшні дзень былая сядзіба выкарыстоўваецца як турыстычны аб’ект.
Доступ да аб'екта