зваротная сувязь

Калі вы заўважылі недакладнасць, ці маеце пытанне - лістуйце:

Імя

Калі ласка, прадстаўцеся

Як з вамі звязацца?

Увядзіце карэктны email

Пытанне

Пра што вы хацелі даведацца?

Я згодзен/на з Палітыкай апрацоўкі персанальных дадзеных

Адпраўлена!

Памылка!

Фрагменты былой сядзібы вялікіх князёў Раманавых з элементамі гістарычнага ландшафту

Цiкавае

Змест

Звесткі аб каштоўнасці

Шыфр

613Г000038

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнік сядзібнай архітэктуры

Месца знаходжання

Мінская вобласць, Барысаўскі раён, аг. Стара-Барысаў

Датаванне

сяр. XIX cт.

Стыль

Эклектыка

Апісанне

Былая сядзіба размешчана на паўночны-захад ад г. Барысава. Захавалася фрагментарна. Аналізуючы архіўныя дакументы, можна выказаць меркаванне, што сядзіба мела вельмі складаную структуру, і, напэўна, уяўляла сабой не столькі шляхецкую сядзібу, колькі сядзібу старабарысаўскага лясніцтва.

На думку некаторых даследчыкаў, у 1900 г. быў пабудаваны новы мураваны сядзібны дом, які мае рысы архітэктуры стылю мадэрн. Яго размясцілі на высокім старажытным гарадзішчы. Сядзібны дом быў узведзены прамавугольны ў плане, складанай аб'ёмна-прасторавай кампазіцыі. Галоўны фасад вылучаны цэнтральным рызалітам, на які зроблены асноўны архітэктурны акцэнт.

У Вялікую Айчынную вайну былы сядзібны дом захаваўся. Па звестках на 1947-1948 гг. тут размяшчаўся дом адпачынку працоўных рэзерваў. Затым працяглы час у "сядзібным доме", а найбольш верагодна, у будынку лясной школы размяшчалася кантора саўгаса "Старабарысаў", клуб. Прыкладна ў 1960-я гг. да галоўнага фасада будынка абапал рызаліта былі зроблены аднапавярховыя прыбудовы. На тэрыторыі параднага двара з флігелем з 1962 г. размяшчаецца "Старабарысаўская школа-інтэрнат для дзяцей, хворых туберкулёзам і з рызыкай яго развіцця". Мураваны флігель выкарыстоўваецца як жылы дом (цяпер кватэры прыватызаваныя). Левае крыло дома мае сляды перабудоў. Парк і алея фактычна не захаваліся, прадстаўлены адзінкавымі ці невялікімі групамі старых дрэў.