Адпраўлена!

Памылка!

Фрагменты комплексу былой сядзібы: сядзібны дом; рэшткі флігеля; брамы з агароджай; фрагменты парку

Цiкавае

Змест

Звесткі аб каштоўнасці

Шыфр

212Г000561

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнік сядзібнай архітэктуры

Месца знаходжання

Віцебская вобласць, Міёрскі раён, в. Лявонпаль, с/с Узмёнскі

Датаванне

др. пал. ХVIII – пач. ХIХ стст.

Стыль

Барока (сядзібны дом, флігелі), класіцызм (брама, агароджа)

Апісанне

Будаўніцтва сядзібы ў Лявонпалі звязана з першым уладальнікам Мікалаем Лапацінскім. У многіх аўтарытэтных выданнях пабудова датуецца 1750 г., галоўным архітэктарам названы Абрахам Гену. Але некаторыя дакументы сведчаць, што сядзіба ўзведзена ў 1768-69 гг., калі А. Гену ўжо не было ў жывых. Паводле успамінаў апошняга Лапацінскага, галоўным архітэктарам сядзібы быў Ян Кнацфус разам з езуітам Томашам Жаброўскім.

Палац пабудаваны з цэглы мясцовай вытворчасці Лапацінскіх, таўшчыня сцен дасягае метра. Менавіта таму будынак адолеў час і разбурэнні. Сядзіба размешчана на маляўнічым беразе Заходняй Дзвіны, яна ўключала палац, флігелі, гаспадарчыя пабудовы, пейзажны парк. З заходняга і паўночнага боку яе агінаў канал. Уязныя брамы пабудаваныя пазней, у пачатку XIX ст. у стылі класіцызму.