Адпраўлена!

Памылка!

Фрагменты парку і брамы

Цiкавае

Змест

Звесткі аб каштоўнасці

Шыфр

212Г000448

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнік садова-паркавага мастацтва

Месца знаходжання

Віцебская вобласць, Докшыцкі раён, аг. Сітцы

Датаванне

пач. XVIII ст.

Стыль

Беларускае барока

Апісанне

Фрагменты парку і брамы былога сядзібна-паркавага комплексу знаходзяцца ў паўднёвай частцы аг. Ситцы. З паўднёвага захаду і захаду парк абмежаваны вул. Цэнтральная, з паўднёвага-усходу і усходу – вул. Паркавая.

На сённяшні дзень ад сядзібна-паркавага комплексу захаваліся рэшткі брамы (у паўночнай частцы парку), лямуса, аранжарэі, гаспадарчых пабудоў, калоны палаца (у цэнтры), фрагменты парка, дзе знаходзіцца Сітцаўскі дуб-волат – батанічны помнік прыроды рэспубліканскага значэння з 1963 г.

Сядзібна-паркавы комплекс быў пабудаваны ў сярэдзіне XIX ст. Аляксандрам Дамейкам. Да сядзібнага дому прымыкаў зашклёны павільён з шатровым дахам пад аранжарэю і зімовы сад. Парк быў пейзажны і займаў 7 га. З боку пад’езда знаходзіўся вялікі газон, які расцягнуўся па абодвух баках і з тылу галоўнага дому. Вызначаўся парк мноствам старых дрэў, пасаджаных групамі і рэгулярнымі алеямі.

Брама была пабудавана ў пачатку XVIII ст. з цэглы. З'яўляецца помнікам архітэктуры ранніх форм беларускага барока.

Кампазіцыя брамы сіметрычная, ступеньчатая, трох’ярусная, вырашана ў барочнай пластыцы. Першы ярус – масіўная трохпралётная арка з вялікім цэнтральным праёмам. Другі ярус (надваротны) утвораны прамавугольным у плане аб’ёмам. Браму завяршае невялікая вежа з купалам. У надваротнай частцы брамы і ў вежы знаходзіўся драўляны механізм гадзінніка з «зязюляй», зроблены мясцовым майстрам А. Малашом.