зваротная сувязь
Калі вы заўважылі недакладнасць, ці маеце пытанне - лістуйце:
Фрагменты замка
Шыфр
411Г000602
Катэгорыя каштоўнасці
Тып каштоўнасці
Месца знаходжання
Датаванне
пач. ХIV ст.
Стыль
Рамана-гатычны
Апісанне
Замак-кастэль у Крэве ўзведзены ў пачатку 14 ст. Замак размешчаны ў цэнтры вёскі на правым беразе р. Крэвянкі, ніжэй упадзеня ў яе безыменнай рачулкі (мясцовая назва Шляхцянка), справа (150 м) ад дарогі ў в. Мантацішкі. Замак у плане -- няправільны чатырохвугольнік, абнесены мураванымі сценамі (85х108,5х71,55х97,2 м, вышыня 12-13 м). Сцены ўнізе складзены з каменю, уверсе з вонкавага боку абліцаваны цэглай. Меў 2 вуглавыя вежы, размешчаныя па дыяганалі. Паўночна-заходняя вялікая Княжацкая вежа амаль квадратная ў плане, выступае за перыметр замкавых сцен. Сцены вежы да вышыні 3 м складзены з каменю, вышэй з вялікапамернай цэглы. Дах чатырохсхільны. Перакрыцці паверхаў былі бэлечныя. Прызначалася для жылля князя і чэлядзі. Паўднёва-ўсходняя вежа таксама чатырохпавярховая, прыбудавана да замкавых сцен унутры двара пазней. Уязная брама знаходзілася ў паўночнай сцяне. Гаспадарчыя пабудовы размяшчаліся на падворку. Асноўнае абарончае значэнне мелі сцены замка. На вышыні 10 м уздоўж сцен па ўсім перыметры іх была галерэя на драўляных бэльках. Адлегласць паміж байніцамі 2,4 м. У цэнтры паўднёвай сцяны і ўнізе заходняй былі праёмы запасных выхадаў. Вокны вежаў і байніцы сцен стральчатыя.
Сартаваць па