Габелен "Музыка", (аўтар А.М. Кішчанка)

Габелен перадае надзвычай багаты і разнастайны свет музыкі, паказвае яе ролю ў жыцці чалавека сродкамі дэкаратыўна-прыкладнога мастацтва. Мастак умоўна раскрывае свет музыкі ў трох яго жанрах: народным, класічным і рэвалюцыйным. Па кампазіцыі - гэта трыпціх. Цэнтральная частка габелена прысвечана баявой музыцы, левая - народнай, а на правай частцы габелена - вытанчаны сілуэт жанчыны, якая трымае арфу ў адной руцэ, пальцы другой быццам перабіраюць струны. Фігура ўвасабляе строгую і ўзвышаную класічную музыку. Усе тры частцы габелена існуюць самастойна і ў той жа час складаюць адно цэлае.