Габелен Тэатра оперы і балета, (аўтар А.М.Кішчанка)

У сучасным беларускім выяўленчым мастацтве творчасць Аляксандра Міхайлавіча Кішчанкі займае значнае месца. Ён мастак шматгранны - жывапісец, майстар партрэта, габелена, манументаліст, педагог, народны мастак Беларусі (1991), заслужаны дзеяч мастацтваў Беларусі (1980), двойчы лаўрэат Дзяржаўнай прэміі БССР (1980, 1996.). У 1993 г. ўзнагароджаны медалём Францыска Скарыны. Яго лепшыя творы вядомы не толькі ў нашай рэспубліцы, але і далёка за яе межамі. Аляксандр Кішчанка нарадзіўся 13 мая 1933 г. у вёсцы Белы Калодзеж Багучарскага раёна Варонежскай вобласці. Дзіцячыя і юнацкія гады прайшлі ў Прыдонні.