Галоўны корпус (будынак вучэбнага корпуса №1)

Галоўны корпус БНТУ пастаўлены далёка ад чырвонай лініі забудовы праспекта, утварае курданёр з шырокай параднай алеяй і скверам па баках. Уяўляе сабой развітае ў глыбіню квартала Ш-падобнае ў плане 4-6-павярховае збудаванне. Будынак падоўжаны па фронту забудовы, мае цэнтральны i бакавыя рызалiты. Прымыкаючыя перпендыкулярна да асноўнага аб'ёму крылы ў тарцах завершаны меншымі папярочнымі аб'ёмамі. Галоўны ўваход аформлены шасцікалонным порцікам, пастаўленым на высокі цокаль і завершаным трохвугольным франтонам са скульптурнай эмблемай у цэнтры.