Гарадзішча
Гарадзішча
Змест
Звесткі аб каштоўнасці
Шыфр
513В000624
Катэгорыя каштоўнасці
Тып каштоўнасці
Падтып каштоўнасці
Месца знаходжання
Магілёўская вобласць, Шклоўскі раён, в. Плешчыцы, 1 км на захад ад вёскі, урочышча Гарадок
Датаванне
Ранні жалезны век
Апісанне
Гарадзішча ранняга жалезнага веку знаходзіцца на правым беразе безыменнага ручая, на паўночны захад ад моста цераз р. Арціслаўку, ва ўрочышчы “Гарадок”. Мясцовая назва“Царковішча”. Пляцоўка авальнай формы. З боку поля абаронена трыма падковападобнымі валамі і двума ірвамі паміж імі. З найменш умацаваных паўночнага, паўночна-усходняга і паўднёва-заходняга бакоў знаходзіцца забалочаная мясцовасць. Пляцоўка і схілы гарадзішча задзернаваны, моцна параслі дрэвамі.
Помнік вядомы з 1873 г. У 1936 г. В. Тарасенка заклаў на гарадзішчы шурф і зрабіў стратыграфію помніка. У культурным слоі былі знойдзены вугаль, попел, колатыя абпаленыя камяні і край кладкі, фрагмент гладкасценнай ляпной керамікі.
У 1978 г. помнік абследавала В. Ляўко, у 1991 г. - В.Ф. Капыцін і А. Седзін. У 2012 г. праводзілася археалагічная разведка.
Доступ да аб'екта
Доступ да аб'екта
Запыт аб допуску да карыстання рэсурсамі Банка звестак будзе накіраваны ў Міністэрства культуры. Міністэрства культуры прымае рашэнне аб прадастаўленні ці адмове ў прадастаўленні доступа да карыстання рэсурсамі Банка звестак, аб аб'ёме і паўнаце прадастаўляемай інфармацыі. Рашэнне прымаецца на працягу 10 дзён